“Microsoft” bazar ertəsi günü təxminən 4,800 işçini işdən çıxarmaq qərarına gəlib. Şirkətin ümumi işçi sayının 2,1%-ni təşkil edən bu ixtisarlar, son aylarda dalbadal baş verən işdən çıxarmaların davamıdır və süni intellektin iş yerlərini əvəz edəcəyi qorxusunu daha da artırıb.
İxtisarlar ən çox “Xbox” qrupuna və kommersiya satış bölməsinə zərbə vurub. “Microsoft”un oyun konsolu və xidmətləri ilə tanınan “Xbox” bölməsi bu dalğada əhəmiyyətli sayda işçi itirib. Kommersiya satış şöbəsi də oxşar aqibətlə üzləşib.
Qeyd edək ki, bu, “Microsoft”un son bir neçə ildə həyata keçirdiyi ən böyük ixtisarlardan biridir. Şirkət əvvəllər də 2023-cü ildə 10 mindən çox işçini işdən çıxarmışdı. Yeni dalğa texnologiya sektorunda iş təhlükəsizliyi ilə bağlı narahatlıqları yenidən gündəmə gətirib.
Hazırda “Microsoft” rəsmiləri ixtisarların səbəbləri barədə ətraflı açıqlama verməyib. Lakin analitiklər şirkətin süni intellektə daha çox resurs ayırmaq üçənənəvi sahələrdə xərcləri azaltmağa çalışdığını düşünürlər. “Xbox” işçilərinin ixtisarı isə oyun sektorunda konsol satışlarının yavaşlaması və “Game Pass” kimi rəqəmsal xidmətlərə keçidlə əlaqələndirilir.
Nəticədə, bu ixtisarlar “Microsoft”un gələcək strategiyasında süni intellektin rolunun daha da artacağını göstərir. Ancaq hələlik işini itirən minlərlə insan üçün bu, çətin bir dövrün başlanğıcıdır. Azerbaycanlı oyunçular və texnologiya izləyiciləri üçün isə “Xbox”un gələcək planlarının bu ixtisarlardan necə təsirlənəcəyi maraq doğurur.
