Humanoid robotların gələcəyi bəlkə də heç düşündüyümüz kimi olmayacaq. Fransız startapı Genesis AI'nın təqdim etdiyi yeni robot Eno, klassik insanabənzər robotlardan tamamilə fərqlənir. Şirkətin dediyinə görə, “humanoid robotlar insana bənzəmək məcburiyyətində deyil”.
Eno necə görünür?
Eno'nun nə başı var, nə də ayaqları. O, təkərli bir platforma üzərində oturur və lazım gəldikdə çarpayı kimi qatlanır. Genesis AI, robotu “insan görünüşünə görə deyil, insan qabiliyyətlərinə görə” dizayn etdiklərini vurğulayır. Şirkət Eno'nu tək bir işə (məsələn, paltar yığmaq) yox, ümumi məqsədli robot kimi təqdim edir.
Yalnız əllər insana bənzəyir
Eno'nun ən diqqət çəkən hissəsi isə əlləridir. Şirkət, bu əllərin “insan əlinin forması və funksiyası ilə tam uyğunlaşdığını” bildirir. Yəni robotun insanla ən çox oxşayan yeri yalnız əlləridir. Bu, robotun fiziki obyektlərlə daha effektiv işləməsinə imkan verir.
Qeyd edək ki, Genesis AI, keçmiş Google CEO'su Eric Schmidt'in dəstəklədiyi bir startapdır. Şirkət, Eno'nun gələcəkdə fabriklərdən evlərə qədər müxtəlif sahələrdə istifadə olunmasını hədəfləyir. Daha çox texniki detallar və demo videoları üçün The Verge saytındakı tam məqaləyə baxa bilərsiniz.
Mənbə: The Verge (https://www.theverge.com/ai-artificial-intelligence/951283/genesis-ai-humanoid-robot-eno)
