ABŞ Prezidenti Donald Trump'ın administrasiyası SpaceX'ə məxsus Starlink şəbəkəsinə Federal Rabitə Komissiyasının (FCC) xaricdə istehsal olunan router-lara qoyduğu qadağadan istisna verib. Bu qərar Starlink'in Vyetnamda istehsal etdiyi router-lardan istifadəni davam etdirməsinə imkan yaradır.
Qeyd edək ki, FCC bu ilin əvvəlində milli təhlükəsizlik narahatlıqları səbəbindən ABŞ telekom şirkətlərinə xaricdə istehsal olunan şəbəkə avadanlıqlarından istifadəni qadağan edən qayda qəbul etmişdi. Lakin Starlink öz router-larını Vyetnamda istehsal etdiyi üçün bu qadağa onun fəaliyyətinə ciddi maneə yarada bilərdi.
Starlink'in Texas ştatında öz fabriki olsa da, şirkət router-ların istehsalını Vyetnamda həyata keçirir. İstisna qərarı, şirkətin bu zavodları bağlamadan və ya istehsal xəttini tamamilə ABŞ-a köçürmədən fəaliyyətini davam etdirməsinə şərait yaradır.
Trump administrasiyasının bu addımı, ABŞ-ın kosmik internet infrastrukturunun inkişafını dəstəkləmək məqsədi daşıdığı bildirilir. Starlink hazırda dünyanın bir çox regionunda, o cümlədən ucqar kənd yerlərində internet xidməti göstərir.
