Son araşdırmalar göstərir ki, ransomware (fidyə proqramı) hücumlarında ən çox hədəfə alınan qruplar artıq adi işçilər deyil, birbaşa menecerlər və yüksək rütbəli kadrlardır. Tək bir kampaniyada zərər çəkənlərin təxminən 64 faizi məhz bu kateqoriyadan olub.
Niyə menecerlər daha çox hədəfə çevrilir?
Səbəb olduqca sadədir: menecerlərin şirkətin kritik sistemlərinə və məxfi məlumatlarına geniş giriş imkanı var. Həmçinin, onların e-poçt və mesajlaşma vasitələrindən istifadəsi adi işçilərə nisbətən daha intensivdir, bu da hücumçulara fürsət yaradır.
Bundan başqa, menecerlər çox vaxt təhlükəsizlik təlimlərini yan keçir və ya kifayət qədər ciddi qəbul etmirlər. Nəticədə, onların cihazları və hesabları daha həssas olur.
6 addımda təhlükəsiz qalmağın yolları
- Güclü parol və iki faktorlu autentifikasiya: Hər bir hesab üçün unikal, mürəkkəb paroldan istifadə edin və mümkün olduqca iki faktorlu yoxlamanı aktivləşdirin.
- E-poçt filtrlərindən yararlanın: Şübhəli əlavələri və bağlantıları avtomatik bloklayan qabaqcıl spam filtrlərini işə salın.
- Müntəzəm backup: Kritik məlumatlarınızı hər gəncə, ən azı iki fərqli yerdə (onlayn və fiziki) ehtiyat nüsxəsini çıxarın.
- Təhlükəsizlik təlimlərini ciddiyə alın: Şirkətinizdəki bütün işçilər, xüsusilə də menecerlər üçün mütəmadi olaraq ransomware barədə maarifləndirici təlimlər keçirin.
- Ən son yeniləmələri quraşdırın: Əməliyyat sistemi, proqram təminatı və antivirus proqramlarınızı həmişə son versiyaya yeniləyin. Köhnə versiyalar tez-tez hücumçular üçün açıq qapı olur.
- Giriş icazələrini məhdudlaşdırın: Hər bir işçiyə yalnız işi üçün lazım olan minimum giriş hüququ verin. Yüksək rütbəli işçilər belə həddindən artıq geniş icazələrə malik olmamalıdır.
Ransomware hücumları getdikcə mürəkkəbləşir, ancaq düzgün profilaktika tədbirləri ilə riski xeyli azaltmaq mümkündür. Menecerlər olaraq öz rəqəmsal təhlükəsizliyinizə daha çox diqqət ayırmaq, nəinki şəxsi məlumatlarınızı, həm də bütün şirkətin məlumatlarını qoruyacaq.
Mənbə: ZDNet (https://www.zdnet.com/article/managers-biggest-ransomware-targets-ways-to-stay-safe/)
