Apple'ın yeni flaqmanı iPhone 18 Pro-nun sızdırılan şəkilləri və hissə siyahıları qaranlıq internetdə peyda olub. Reuters-in məlumatına görə, bu, şirkətin əsas təchizatçılarından birində baş verən məlumat sızmasından sonra baş verib.
Sızdırılan şəkillərdə üç kameralı düzülüş və Apple loqosu olan iPhone 18 Pro-nun düşmə testi əks olunub. Qeyd edək ki, bu, Hindistanda iPhone komponentləri istehsal edən və qurğuları yığan Tata Electronics şirkətinin məlumat sızması yaşadığını təsdiqləməsindən cəmi bir həftə sonra baş verib.
Kibertəhlükəsizlik tədqiqatçıları Reuters-ə bildiriblər ki, World Leaks adlı ransomware qrupu qaranlıq internetdə sızma ilə bağlı 200 mindən çox fayl yerləşdirib. Sızan fayllar arasında iPhone 18 Pro-nun hissə siyahıları və şəkilləri də var.
Xatırladaq ki, Tata Electronics 2023-cü ildə Apple'ın təchizat zəncirinə qoşulub və hazırda iPhone-lar üçün komponentlər istehsal edir. Bu tip sızmalar Apple'ın yeni məhsullarını ciddi şəkildə gizli saxlaması səbəbindən nadir hallarda baş verir.
Hal-hazırda Apple'ın rəsmi açıqlaması olmasa da, bu hadisə şirkətin təhlükəsizlik protokolları ilə bağlı suallar doğurur. iPhone 18 Pro-nun rəsmi təqdimatının isə gələn ilin payızında gözlənildiyini nəzərə alsaq, sızan məlumatların həqiqiliyi hələ dəqiqləşdirilməyib.
Mənbə: The Verge (https://www.theverge.com/tech/959229/iphone-18-pro-leak-apple-dark-web)
