ArenaNet tərəfindən hazırlanan "Guild Wars 3"-ün rəsni "missiya bəyanatı" (mission statement) yayımlanıb. Bu, oyunun bir neçə həftə əvvəl Summer Game Fest tədbirində gözlənilmədən təqdim edilməsindən sonra gələn ilk rəsmi açıqlamadır.
Bəyanatın əsas məqamları kifayət qədər sadədir: oyunda hər hansı "pay-to-win" mexanikası olmayacaq. Yəni real pul qarşılığında rəqabət üstünlüyü əldə etmək mümkün olmayacaq. Eyni zamanda, "Guild Wars 3" abunə modeli ilə də işləməyəcək — oyunçulardan aylıq və ya illik ödəniş tələb edilməyəcək.
ArenaNet'in diqqət çəkən digər məqamı isə MMO janrının təkamülüdür. Rəsmilər qeyd edir ki, bu gün klassik MMO-larla live-service oyunlar arasındakı sərhədlər xeyli dərəcədə bulanıqlaşıb. "Guild Wars 3", bu iki yanaşmanın ən yaxşı tərəflərini birləşdirərək, janrın özünü yenidən müəyyənləşdirməyi hədəfləyir.
Xatırladaq ki, seriyanın əvvəlki oyunları — həm orijinal "Guild Wars", həm də "Guild Wars 2" — abunəsiz və "pay-to-win"-siz modeli ilə tanınırdı. ArenaNet, yeni hissədə də bu ənənəni qoruyacağını vəd edir. Oyun haqqında ətraflı texniki detallar və buraxılış tarixi hələlik açıqlanmayıb.
Mənbə: Eurogamer (https://www.eurogamer.net/guild-wars-3-mission-statement)
