Yaponiyanın tanınmış oyun şirkəti Bandai Namco, JRPG janrının əfsanəvi seriyalarından biri olan Tales'in yeni remastered buraxılışını rəsmən elan etdi. Şirkətin açıqlamasına görə, Tales of Eternia Remastered 2026-cı ilin oktyabr ayında konsol və PC platformaları üçün işıq üzü görəcək.
1997-ci ildə PlayStation 1 üçün çıxan orijinal Tales of Eternia, Final Fantasy seriyasına ən ciddi rəqib kimi qəbul edilirdi. Oyun, özünəməxsus döyüş sistemi, dərin hekayəsi və rəngarəng personajları ilə JRPG pərəstişkarlarının yaddaşında xüsusi yer tutur. Remastered versiya isə həmin klassik təcrübəni müasir qrafika və performans təkmilləşdirmələri ilə yenidən təqdim edəcək.
Nə gözləmək olar?
Bandai Namco, remastered buraxılışın orijinalın PS1 dövrünün retro üslubunu qoruyacağını, eyni zamanda oyunu daha hamar və yüksək ayırdetmə qabiliyyətində işlədəcəyini bildirir. Oyunçuya eyni köhnə sehrli dünyanı, lakin daha təmiz görüntü və sürətli yüklənmə ilə kəşf etmək imkanı veriləcək. Hələlik əlavə məzmun və ya yenidən işlənmiş səsləndirmə barədə rəssi məlumat yoxdur.
Remastered versiya PlayStation 5, Xbox Series X|S, Nintendo Switch və PC (Steam) platformalarında satışa çıxarılacaq. Dəqiq tarix hələ açıqlanmasa da, oktyabr 2026-cı ilin həm JRPG həvəskarları, həm də nostalji axtaran oyunçular üçün maraqlı keçəcəyi gözlənilir.
Bu addım, Bandai Namco'nun Tales seriyasını yenidən canlandırmaq strategiyasının bir hissəsidir. Son illərdə şirkət köhnə klassikləri remastered formatda buraxaraq həm köhnə pərəstişkarları, həm də yeni nəsil oyunçuları hədəfləyir. Tales of Eternia kimi bir başlığın qayıdışı, seriyanın gələcəkdə daha çox remastered və ya tamamilə yeni oyunlar ala biləcəyinə işarədir.
Mənbə: Polygon (https://www.polygon.com/tales-eternia-remastered-release-date-platforms/)
