Avropa Kosmik Agentliyinin (“European Space Agency” – ESA) “Euclid” kosmos teleskopu Süd Yolu'nun mərkəzini indiyə qədər çəkilmiş ən təfərrüatlı şəkildə görüntüləyib. Teleskopun qalaktikamızın “sıx ürəyi” adlanan bölgəsini əks etdirən yeni fotosu 60 milyondan çox ulduzu bir kadrda birləşdirir.
Mərkəzdəki ulduz sıxlığı və toz buludları
Şəkil Süd Yolu'nun mərkəzindəki qalaktik qabarıqlığı – ulduzların ən sıx yerləşdiyi regionu göstərir. Bu ərazidə həm adi ulduzlar, həm də qaz-toz buludlarının içərisində yenicə doğulan ulduzlar var. “Euclid”in yaxın infraqırmızı kamerası sayəsində toz buludlarının arxasında qalan ulduzlar da aydın seçilir.
Alimlər bildirirlər ki, bu görüntü Süd Yolu'nun mərkəzindəki ulduz populyasiyasının, qalaktik quruluşun və maddələrin paylanmasının daha dəqiq öyrənilməsinə imkan verəcək. Həmçinin bu məlumatlar qalaktikamızın təkamül modellərinin təkmilləşdirilməsinə kömək edəcək.
Xatırladaq ki, “Euclid” missiyası əsasən qaranlıq maddə və qaranlıq enerjinin sirrlərini açmaq üçün yaradılsa da, teleskop Süd Yolu'nun daxili bölgələrini də yüksək dəqiqliklə təsvir edə bilir. Yeni foto bu missiyanın elmi əhəmiyyətini bir daha göstərir.
Daha ətraflı məlumatı mənbədə – “Wired” nəşrinin hesabatında oxuya bilərsiniz.
Mənbə: Wired (https://www.wired.com/story/this-is-the-most-detailed-image-yet-of-the-milky-ways-center/)
