Forterra adlı texnologiya şirkəti Ukraynada 100'dən çox avtonom quru nəqliyyat vasitəsi (autonomous ground vehicle) yerləşdirib. Bu, ABŞ istehsalı pilotsuz döyüş maşınlarının real döyüş şəraitində ilk dəfə geniş miqyasda istifadə edilməsidir.
Şirkətin açıqlamasına görə, bu maşınlar Ukrayna hərbçilərinə kəşfiyyat, sursat daşıma və təxliyə kimi tapşırıqları yerinə yetirməkdə kömək edir. Forterra'nın baş direktoru bildirib ki, maşınlar süni intellekt əsaslı naviqasiya sistemləri ilə idarə olunur və operator müdaxiləsi olmadan ərazidə hərəkət edə bilirlər.
Daha əvvəl bu tip texnologiyalar daha çox simulyasiya və təlim məqsədləri üçün istifadə olunurdu. Ukrayna müharibəsi isə reals şəraitdə avtonom sistemlərin sınaqdan keçirilməsi üçün nadir fürsət yaradıb. Nəticədə, ABŞ müdafiə sənayesi üçün bu təcrübə olduqca qiymətli məlumatlar təqdim edir.
Qeyd edək ki, Forterra şirkəti əvvəllər ABŞ ordusu üçün məntəqə təhlükəsizliyi və logistika sahəsində avtonom həllər hazırlayıb. Ukrayna tətbiqi isə bu texnologiyanın döyüş bölgəsində nə dərəcədə effektiv olduğunu göstərir.
