Kiçik yaşda böyük işlərə imza atanlar var. Bu dəfə diqqətimiz 11 yaşlı Jesse Otobo'ya çəkilib. O, özünün "Jesse Math Rock Star" adlı riyaziyyat tətbiqini hazırlayıb və bunun üçün Google'un Gemini süni intellekt modellərindən (AI Studio vasitəsilə) və Vercel platformasından istifadə edib.
Jesse, kod yazmağa 8 yaşında Scratch ilə başlayıb. Yeni tətbiqini isə "vibe coding" (özü araşdırıb öyrənmə) metodu ilə inşa edib. Tətbiq hazırda canlıdır və analitikaya görə, ziyarətçilərin 61%-i mobil cihazlardan, əsasən Android'dən gəlir. Jesse'nin əsas hədəfi, tətbiqi öz yaşıdları üçün kiçik ekranlarda mükəmməl və əyləncəli etməkdir.
Buna görə o, birbaşa istifadəçilərə müraciət edir: "Zəhmət olmasa, tətbiqi telefonunuzda açın, bir neçə riyaziyyat sualı cavablayın və interfeys haqqında fikirlərinizi şərhdə yazın." Jesse, "DEV Community" platformasında paylaşdığı yazıda bu icmanı təhlükəsiz və dəstəkləyici bir mühit kimi təsvir edir.
Süni intellekt gənc tərtibatçıların əlində nə qədər güclü alət ola bilər, bunu Jesse'nin nümunəsi göstərir. O, mürəkkəb texnologiyaları mənimsəyərək funksional bir məhsul çıxarıb. Əgər siz də mobil UX məsləhətinizlə ona kömək etmək istəyirsinizsə, tətbiqə baxa bilərsiniz: jesse-math-rockstar-app.vercel.app.
